Suruzza mia
( A mia sorella Mariella)
Suruzza ca nutricu m’annacasti
e mi cantavi puru ‘a ninna vo’
nna stu disertu ora mi lassasti
senza lu ciauru d”u surrisu to
Tu nni facisti di secunna matri
e nne to vrazza nni tinivi stritti
ora taliavu avanti e la me strata
lustra e amurusa comu prima ‘un vitti
La luci d”i to occhi, ‘u to surrisu
era pi mia lu nettari d”a vita
chi m’allisciava l’arma, dilicata
comu siddu era di priziusa sita
Ti vinniru a pigghiari dui palummi
vulasti cu iddi e nni lassasti cca
t’accumpagnaru versu ‘u paraddisu
eranu lu papá e la mamá!
Vincenzo Aiello
Bagheria, 7 novembre 2017