Pirdùnu lu me mari

pirdunulumemari

Pirdùnu lu me mari

(Segue la poesia “Mari tradituri” un anno dopo lo tsunami)

Di quannu la fuddìa ti pigghiò lu senziu

appi a passàri un’annu p’’u pirdunu

pirchì cu tia sciarriatu ’un pozzu stari

e mi ncugnu a lu to ciancu p’appaciari.

Com’un nutricu

ca malupatiu pitittu e mizzigghi

allafannatu, sucu culostra e sali

d’’i to capicchi ’i balia ginirusa.

Musica p’’i me aricchi

è lu scrusciu di l’unna

chi s’arrizzòla nta li scogghi.

Carizza d’amuri è la scumazza

ca cu milli balluna alliscia ’a rina.

Taliu ddassutta dunni ti vasi c’’u cielu.

Splenninu li primi lampari

nta lu russu curaddu

e lu me cori si jinchi di paci.

Rispiru a primuna chini

lu ventu salamastru ca tuccò li to unni

e lu tegnu carzaratu dintra ’i mia

fin’affucallu

comu nu ’nnamuratu

malatu di gilusia.

Nessun commento ancora

Lascia una risposta

L'indirizzo email non verrà pubblicato. I campi obbligatori sono contrassegnati *