Munzedda di cappeddi
Munzedda di scarpi
Munzedda di valiggi
Munzedda di lenti
Munzedda di roggi
Munzedda di d’omini nsiccumati
Munzedda di fimmini senza capiddi
Munzedda di piatusi picciriddi.
Nta l’ariu jelu e tantu fumulizzu
di númmari abbruciati comu nenti.
Puru lu celu è abbarruútu
e ammucciatu sta darreri un velu
nivuru a luttu, pi chiddu c’ha ammattutu.
Nta l’ariu tra grira di sireni
sulu lu chiantu di li cordi d’un viulinu.
Vincenzo Aiello
Bagheria; 27 gennaio 2019
Scrivere è l’ arte del cavare più che del mettere…
Il poeta non ha una sua biografia, semplicemente perché la sua biografia sono le cose che scrive…
Vito Cuti, ” fuori dal carcere dell’inchiostro”