Nicole
Sbucciò un ciuriddu novu nto jardinu
la so biddizza fa miriari ’i stiddi
già di lu çiauru so lu munnu è chinu
e un tramunti ci tincìu ’i masciddi.
A sciarra fannu a cu prima si posa
ni idda li farfalli, e su’ a miliuna
e la rigina ’i dda ca era ’a rosa
taliannula ci retti ’a so curuna.
Nascìu p’’u primu jornu majulinu
e già si vidi ’i chistu lu rispettu
chi porta pi so matri e la so terra.
“Appena nasci già si un critinu!”
tutti mi lu dicevanu e l’ammettu
e pi stu gran rialu vasu ’n terra!!
Vincenzo Aiello