Matri

Matri

(A mia madre)

Matri ca fusti figghia di ’na Matri.

Matri ca fusti spusa d’’u tò Omu.

Matri ca fusti Matri ’i cincu figghi

cu amuri l’addivasti e cu mizzìgghi.

Quannu lu cani

muzzicò ’i carni tò sciacquàti

’un ci abbastàru li nostri vastuna p’assicutàrlu.

E t’allisciàmu ’a facci e li capiddi.

Cincu figghi ti ficimu di Matri e di Patri

e ti dettimu l’amuri

ca pi tant’anni c’era ma ’un si vidìa.

E l’armalu ti purtò cu iddu

luntanu ’i nuatri

ma vicinu a lu jardinu

unn’aspittava Diu e ’u tò spusinu.

E tu… ca tannu nni dasti ’u primu çiatu

n’arrialasti ’u tò… l’urtimu.