- L'Uomo - Il Poeta - Riconoscimenti - Bagheria - Contatto - Home -
- Opere Siciliane - Opere Italiane - Traduzioni in lingua Italiana - Cunti - Concorsi - Blog -
Lu rispiru di li çiachi
(Allo scultore Giovanni Varisco)
Pezzi di çiachi
jittati dda di mill’anni
ca all’occhi parinu morti
quannu ti vidinu passari
ti fannu signali
e ti chiamanu
cu la spiranza ca tu li senti
ti cali
ci parri
l’allisci.
A iddi tu ci duni
occhi
vucca
aricchi
’nfin’a quannu arriviscinu
e parranu a cu voli sentiri
e ascutanu li palori di l’omu
ormai surdu
ca nun senti cchiù
lu rispiru di li çiachi
ca parinu morti.
Copyright ©2005 Vincenzo Aiello Tutti i diritti riservati.