Lu fogghiu

Lu fogghiu

Lu fogghiu ’i carta mi talia mutriàtu

penza, ma chistu cca chi voli ’i mia?

io m’aspittava d’essiri nchiappatu

d’un prufissuri ’i penna, e no di tia!

Pi fari a mia fu fattu sacrificiu

d’arvuli cintinara ’i gran furesta

e ora arrivi tu ca si un carmuçiu

e nton fallanti, mi vo fari ’a festa!?

Io a ddu puntu, lu taliu ncazzatu

e penzu, ora a chistu io lu strazzu!

ma forsi chi si senti, un blasunatu?

Nun sapi ca la puisia chi fazzu

na gran picchidda ’i cori, a già sazziatu

e siddu nsisti…cinniri nni fazzu!!

Vincenzo Aiello

Bagheria, marzo 2017