- L'Uomo - Il Poeta - Riconoscimenti - Bagheria - Contatto - Home -
- Opere Siciliane - Opere Italiane - Traduzioni in lingua Italiana - Cunti - Concorsi - Blog -
Lìbbiru
(A Giovanni Buglisi nel giorno del suo 50° compleanno)
Tu cci l’avevi dittu a to patruzzu
Ca un’era vita ca piaciva a tia
Ma ‘amuri ‘i patri era troppu forti
Ca a picca a picca ti cci cunvincìu.
‘U barriceddu ca iddu avìa crisciutu
Cu lacrimi ‘i sudura e sacrifici
O figghiu masculu lu vulìa lassari
E lu barrista tu avìa fari.
Darreri ddu bancuni du gilatu
Li picciutteddi a lu passìu vidìvi
Tu cci suffrivi com’un carzaratu
E fradici ‘i vuredda ti facìvi.
Sbagghiatu o giustu ancora ‘un si pò diri
Ma a li to figgi tu ‘un vulissi dari
A stissa vita ca facisti tuni
Puru si detti pruvuli ‘i sparari.
Ma ora c’arrivasti a cinquant’anni
E ‘i sacrifici tò puru facisti
A dicisioni la pigghiasti granni
Di gùdiri ‘a to vita dicidisti.
Lìbbiru com’ un gabbianu ora ti senti
Di fari un volu na tutti ddi gnuni
Unn’è ca prima un ci putivi jiri
Però sta attentu a c’occhi truppicuni.
Metti ‘a pignata ncapu di tò jorna
A focu lentu ca sinnò s’appigghia
Chiddu ca è già passatu ormai nun torna
Goditi ‘a vita e tutta ‘a to famigghia.
Vincenzo Aiello
Bagheria; 15 Marzo 2006
Copyright ©2005 Vincenzo Aiello Tutti i diritti riservati.