L’ecugrafia

ecografia

 

L’ecugrafia

Ti vitti ajeri pi la prima vota

si ancora nicu nicu e arrunchiatu

ma già di l’espressioni ca io viu

mi pari di taliari un’allittratu.

 

La testa, lu nasiddu, la vuccuzza

già foru disignati finimenti

e c’’a manuzza misa ’i dda manera

c’’u sapi già chi pensa la to menti?

 

Tu forsi chi t’attocca t’addumanni

pi godiri campannu nta stu munnu?

L’amuri nostru io t’’u garantisciu

 

beddi ricordi pi quannu si granni

na manu pi passiari…di to nannu

e nun mi pari l’ura… ca t’allisciu!!

Nessun commento ancora

Lascia una risposta

L'indirizzo email non verrà pubblicato. I campi obbligatori sono contrassegnati *