Cunfissioni

Tuttu chiddu c’haiu scrittu, ’un vali nenti!!

m’ata scusari, su tutti minzogni

ora cci penzu, e sentu li vriogni

ca nfuti sbattulianu nta menti

Tutti ’i palori duci c’haiu annacatu

ddu ’ncantu, ’i çiauri d’occhi a li tramunti

li voli d’àipi, ’u mari, lu me munti

farina d’’u me saccu un’ha mai statu

Pi tutti st’anni io v’haiu buffuniatu

di pueta un tegnu mancu ’na cimusa

tutti li voti haiu fattu lu dittatu

Addinuccchiuni v’addumannu scusa

dintra ’a me aricchi, è Idda ca ha ciatatu

lu meritu, apparteni a la me Musa!!

Vincenzo Aiello

Bagheria, aprile 2017