Cu si la senti… si la senti
Cicireddu cicireddu(*)
sempri ‘nmenzu la ‘nzalata
chi to occhi tu ti vidi
lu cchiù beddu d’à cuvata.
Nun c’è festa senza ‘i tia
ti cci ‘nfili nzirragghiatu
e ‘un capisci ca napocu
ti vulissiru struppiatu.
Si c’è unu ca t’accupa
la drittura ‘i l’obbiettivu
tu cci du ‘na çiancunata
cu dda facci to di sivu.
S’un cunsigghiu voi di mia
tu ca li voi dari a tutti
datti ‘na svunciata à cricchia
ca poi cogghi cchiù assai frutti.
Vincenzo Aiello
Bagheria; 31 maggio 2006