Assapurannu çiauri antichi
Picchì avemu tutti ’u fuareddu?
tutti ch’ assicutamu lu tempu
Lu tempu…
ca un’è cchiu patruni
di farinni tastari
’u so sapuri
’u so çiauru
Curriri… curriri…
ma p’arrivari dunni?!!
Oramai l’avemu p’abitudini
mancu n’addunamu
ca curremu tuttu lu jornu
comu surci addumati
“Arrivari ’i primi ’i tutti
pi poi turnari ’n tempu!!”
…Ma pi cchi cosa?!!
Stasira vogghiu passiari senza prescia
Tampasiari senza sapiri dunni vaju
assapurannu çiauri antichi
e ascutari sulu ’a vuci d’’u cori
mentri ’u suli
scinni nto curaddu
e lassa ’u postu a luna
chi parraçiunìa c’’a prima stidda
chi s’addumò ’nto çelu
Vincenzo Aiello
Bagheria, 13 luglio 2011