Apuzza
Apuzza, tu chi vai di çiuri ‘n çiuru
sucannu meli senza mai lintari
si n’armaluzzu gran travagghiaturi
l’omu senza di tia, ch’avissi a fari?
Nta l’ortu nuddu fruttu mai criscissi
si nun ci fussi tu chi svulazzassi
p’’u to carriari pullini vulissi
ca tuttu ’u munnu làusu ti dassi!
A tutti ’i genti po’ io ci dicissi
’i prijari a lu Signuri tutti l’uri
e a li parrini ’i fari tanti missi
A li spizziali di circari curi
si c’occhi malatia poi ti vinissi
picchì a tia va tutt’u nostru onuri.
Vincenzo Aiello
Bagheria, 13 febbraio 2017