- L'Uomo - Il Poeta - Riconoscimenti - Bagheria - Contatto - Home -
- Opere Siciliane - Opere Italiane - Traduzioni in lingua Italiana - Cunti - Concorsi - Blog -
Ancili
(A Ninu Via)
Sunnu cca ‘nmenz’a nuatri.
Camìnanu senza fari scrusciu
e p’un lassari càdiri cu travìa
su sempri pronti a stenniri ‘na manu.
Tu ‘i viri
ci campi na vita a ciancu
e ‘un t’adduni
ca sunnu mannati ccassutta
apposta.
E stannu cca
fin’a quannu un’arriva ‘u cumannu.
Com’ù Signuri misu ‘ncruci
si mettinu tra Abeli
e ‘a manu ‘i Cainu.
Di Iddi arrestanu sulu rrasti d’amuri
chi scotinu ‘a cuscenza ‘i l’omu.
E un beddu jornu
quannu nenu t’aspetti
ritornanu nautra vota ‘ncelu
a essiri ancili d’ù Signuri.
Vincenzo Aiello
Bagheria, 4 febbraio 2008
Copyright ©2005 Vincenzo Aiello Tutti i diritti riservati.